578 350 kr til tiltak i SVR i 2010
SVR og lokalt SNO søkte i fjor haust om støtte til skjøtsel, tilrettelegging og informasjon i heia. Midlane til slike tiltak er sett av i statsbudsjettet og vert administrert av DN/SNO. Resultatet vart 578 350 kr til forskjellige tiltak i verneområdet vårt.
Tiltaka som fekk støtte var:
- Digital informasjonstavle på rasteplassen langs Brokke - Suleskarvegen.
- Etablering av naturleir på Knaben.
- Tradisjonelle informasjonstavler langs Brokke-Suleskarvegen.
- Informasjonstavle om verneområdet og kulturminne på Hovden.
- Utarbeiding av kulturminnekart Hovden- Sloaros.
- Oppattbygging av to bruer som er øydelagde av isgang, Valle og Bygland kommune.
- Informasjonsskilt om ferdselrestriksjonar i Steinbuskaret biotopvernområde.
- Støtte til sperring av private parkeringsplassar langs Brokke- Suleskarvegen.
- Logoen til SVR med underskiltet "Verneområde 0-23 km" plassert der ein passerer vernegrensa på Brokke-Suleskarvegen.
- Riving og fjerning av brakke i Bykle kommune.
- Bru over Storsteinåne, Sirdal kommune.
- Gangbane på myrlent turistveg Elsvatn- Taumevatn - Storevatn i Sirdal.
Arbeidet vil bli utført i løpet av 2010 i samarbeid med kommunar, grunneigarar og organisasjonar.